Ein inspirerande og optimistisk dag
Ha delte fleire typer forventning som kristen tru gir oss menneske.
Når vi summerer opp dagen og lytta til korleis dagen er opplevd, er det tydeleg at forventning er innfridd!
– Val av ny regionstyreleiar, Olav Gading, – stor takk til medlemmar som har gått ut og ekstra stor takk til Arne Drøpping som har gått av etter 6 år som leiar!
– Ny medarbeider i NMSU, Miriam Mulelid vart presentert
Misjonsinfo frå Estland og misjonshistorie frå Japan
Asbjørg Oksavik Sve fortalde og viste bilder frå vigslinga av Mustamäe kyrkje som ho var tilstades på i juni i år.
Haakon tok oss med tilbake i historia og fram til i dag gjennom temaet «Silkeveien før og nå, møte mellom øst og vest».
Berit Nerheim Andersen ønska velkommen og leia bibeltimen og Sonja Kaldhol leia misjonsfesten på ein uformell og humoristisk måte.
Cecilie og Arne Drøpping hadde lasta opp bilen med flotte heimesydde varer (Bergfruas Lapper) som vart selt denne dagen og som ga ei ekstra inntekt til NMS på ca. kr. 8000,-.
Mannskor er nydeleg å høyre på og det fekk vi bekrefta når dei dyktige songarane i «Kor Herrleg» var med å sette sitt preg på dagen med vakre kjente sanger.
God mat, mykje skravling rundt borda er vel teikn på god stemning. Her møtes menneske med et felles oppdrag og optimisme, noko som lover bra for vidare arbeid i Møre.
Takk til kvar og ein som kom og var med å skape forventning til inspirasjon når vi møter hausten.
Her er eit knippe bilder frå regionstemnet.
