Ei helg for kreativitet, fellesskap og inspirasjon
Mor og dotter med kvar si ny flotte «heime»-sydde veske
Helga baud på eit mangfald av aktivitetar: Nokon strikka, andre sydde om gamle gardiner, dukar og plagg til noko heilt nytt. Nokre fornya ein gamal genser, andre fekk hjelp til å finne rett mønster og teknikkar. Det var også demonstrasjonar av nyttige saumteknikkar for både faste og strikka stoff.
StudioLun frå Volda delte sine nyaste strikkedesign og hadde med spanande garn og tilbehør som deltakarane kunne både kjenne på og kjøpe med seg heim.
I tillegg til det kreative, fekk deltakarane også påfyll for sjela.
I tillegg til det kreative, fekk deltakarane også påfyll for sjela. Dorthe Lervik delte frå NMS sitt arbeid i Egypt, der ho i fjor haust fekk besøke fleire av NMS sine prosjekt, samt vere på Anafora – eit diakonalt senter bygd opp av biskop Thomas. Det var interessant og inspirerande å få høyre om. Om kvelden var det kos med gitaren saman med Ruth Linda, og tonane fylte rommet med varme og fellesskap.
Bak arrangementet stod ein engasjert komité: Barbro, Laila, Dorthe, Ruth Linda og Lena, som sørga for god tilrettelegging og ei varm atmosfære.
«Eg har sydd meg ny jakke og kjøpt nytt strikkeprosjekt… Takkar for ei gild helg!» – deltakar
