Kvifor er du engasjert i misjon og NMS?

Kvelden starta med servering av deilig kyllingsuppe og foccacia, seinare vart det kaffe og twist.

Mål: Bidra til samordning og gje informasjon og inspirasjon for dei ulike delane av arbeidet. Det er og tenkt som ein stad der tilsette og frivillige kan jobbe saman.

Tema: Ulike grunnar til å vere engasjert for misjon. Kvifor er DU engasjert i misjonen på den måten du er akkurat no?

• Innlegg ved unge leirleiar Ingebjørg: – Ynskjer å dele tid, tru og talent. Eg brenn for at borna skal få høyre om Jesus, at det er for alle og ein del av noko større! Eg har sjølv vore på leir sidan 2. klasse. Leiarane har betydd mykje for meg, og eg har fått føle at eg høyrer til. No vil eg gje tilbake.
• Innlegg v/ Olav Gading: Kvifor vere med på dette?
• Stikkord: Er det for å lære om misjon? Fellesskap? Pengar til misjonen? Fleire skal få høyre om Jesus? Leirarbeid? Gjenbruksbutikkar?
• Rundt dei fem borda skulle ein så fortelle kvarandre kva ved dette som var viktigast akkurat no, ved konkret å skrive prioritert begrunning på ein lapp, synleggjere dette ved å plassere så mange egg dit som ein ønska, og så velge nytt område og antal egg. Egga vart flytta ein del hit og dit, og deltakarane såg etter kvart at områda gjekk over i kvarandre og var avhengige av kvarandre.
• Det viste seg at ein har fleire grunner til å vere engasjert i misjonen. Det viste seg og at grunnen hadde endra seg sidan ein fyrst vart engasjert.
• Innlegg v/ Miriam Mulelid (NMSU):
  
  Ei ny oppgåve vart presentert; der det skal lagast ein modell som gruppesamarbeid. Felles for alle greinene er engasjement, motivasjon, meining, fellesskap, tilhørigheit, talent. Desse orda gir meining i eit samspel. Orda sto på lappar, og det var i tillegg illustrasjonar, mange pilar ein kunne bruke og ulike geometriske figurar. Prosessen på gruppa med å sette saman ein modell, skulle vere viktigare enn resultatet. Modellane rundt på borda vart ulike.

Olav Gading fortsatte med teorien: Misjonsinnsatsen kan samanliknast med Nils Arne Eggen sin fotballfilosofi i boka «Gofoten»:

1. Kvar spelar skal brukast til det han er best til.

2. Alle skal spele kvarandre gode.

Kan vi i NMS spele kvarandre gode? Kan vi gjere noko for dei andre delane av NMS? Treng vi noko frå «dei andre» for at vi kan lukkast? Korleis blir engasjement til (i) fellesskap?

Mange gode og kreative innspel i gruppene: oppfølging av kyrkjelydar, samarbeid mellom Gjenbruk og foreiningar/ kyrkjelydar, vaksne kan vere med på barneleirar, forbønsteneste, invitere ungdom til å kome til ei foreining for å dele.

Regionstyret og tilsette vil ta med tilbake alle gode bidrag og tips for vidare regionarbeid i Møre!

Tusen takk til alle som kom!