Endeleg vart det gjenbruksfest på Kjeldsund!
Nokre av arrangørane: Knut-Johan Rønningen, Jostein Husøy og Trygve Danbolt Øygard
Denne gjenbruksfesten og inspirasjonssamlinga er no tatt opp igjen takka vere initiativ frå områdeutvalet på Søre Sunnmøre i samarbeid med Kjeldsund leirstad.
Samlinga starta med mingling og matservering av deilig kyllinggryte «ala Kjeldsund».
Knut Johan Rønningen leia festen og Sonja Kaldhol hadde ord for dagen. Ho hadde med seg forskjellege ting som ho impulsivt hadde kjøpt på Gjenbruk, og som ho brukte i formidlinga på ein engasjerande måte.
Digitalt kåseri av Birger Fossum fungerte godt og mange humra og kjente seg igjen i dei
Martin Endresen og Knut Johan Rønningen var blant servitørane denne kvelden
mange karikaturane som han presenterte i innlegget med temaet: «Korleis har vi det i gjenbruksbutikkane»?
Vi fekk ein kort presentasjon frå kvar gjenbruksbutikk med vekt på både det som er positivt og det som er utfordrande. Dessverre vart det litt lita tid til samtale og erfaringsutveksling rundt borda på samlinga, men butikkane var oppmoda til å ta dette med seg tilbake til butikkane.
Regionstyreleiar Arne Drøpping og regionkoordinator Laila Karin Tusvik Helle var og invitert og fekk nytte høve til å gi litt info frå regionen og ikkje minst takke både områdeutvalet for initiativet og alle frivillege for den fantastiske innsatsen dei gjer gjennom Gjenbruk.
