Jubileum, slutt og oppstart
Samtidig med at vi var oppsagt frå butikklokala, og skal ut innan 1.oktober har vi planlagt 20-årsjubileum. Vi har også jobba med å skaffe andre høvelege lokale utan å lykkast i heile sommar.
Så var var det sigerdotra mi, Marthe, som kom med tanken om å starte med klesbutikk på Sunndalsøra viss vi måtte gi opp i Surnadal. Og i august starta denne planlegginga ganske konkret.
13.september kom daglig leder for NMS Gjenbruk, Siri Bloch Lindtveit hit for å vere med på 20-årsjubileet. Det kombinerte vi både med å sjå på aktuelt lokale for butikk på Sunndalsøra, og drøfta korleïs vi skulle avslutte på Skei. Torsdag 19.sept gav gjenbruksstyret grønt lys til å starte med konkret planlegging i Sunndal.
På jubibileumsfesten var vi i styret ganske klare på at feiringa av alt det positive vi har hatt i desse 20 år skulle overdøve sorga med at det var slutt. Eg orienterte litt om historia der det bl.a kom fram at det beste året vi hadde hatt var i 2012 med ei omsetning på 269.000,-. Siri Bloch Lindtveit hadde festtalen og takka alle dei som hadde vore med. Sverre Hatle hadde ein quiz, og mange hadde gode historier å fortelle frå tida i butikken. Det kom tydeleg fram at butikken har vore viktig på mange måtar. Dei pengane vi har fått inn til NMS er sjølvsagt viktig, men butikken betyr og trivsel, sosialt treffpunkt og meiningsfulle dagar for mange. Ei skikkeleg kakefest måtte det også vere. Her kjem nokre foto frå borda på jubileumsfesten.
