Misjonsauksjonen i Ålvundfjord

Vi er så heldige at vi har 2 faste auksjonariusar som byter på. I år er det Nils T Ulvund som skal svinge auksjonsklubba. Auksjonen har vore knytta til kyndelsmess og har tradisjonar tilbake til 1867, 158 år er ein respektabel alder.
Vi får song av Ålvundeid barnekor der det er songarar både frå Ålvundeid og Ålvundfjord. Elles blir det misjonsandakt v/ Jostein Solbakken. I enkelte periodar blir det ulike aktivitetar for barn ute i vestibylen.
I tillegg til auksjon blir det også vanleg salg av enkelte handarbeidsvarer og lys frå NMS Gjenbruk. Mykje av det som blir auksjonert er matvarer.
Det går an å betale med VIPPS eller kontant.
Dei som ikkje har mot til å by, kan heller satse på å vinne ein av gevinstane på basarbordet. På Joker Ålvundfjord er det lagt ut basarbok med ein vårbrikke, hekla løp, plate med treskjering, kransekake, ei dokke med 3 strikka antrekk og ein kolonialkasse som gevinst. Det er kundane på butikken som går saman om å fylle kolonialkassa. I tillegg blir det ei basarbok med gevinstar som berre er tilgjengeleg den kvelden.
Inntektene går til Det Norske Misjonsselskap (NMS)