Julebasar i Herøy kyrkje – tradisjon og fellesskap i førjulstida

Sist laurdag arrangerte NMS-foreiningane i Ytre Herøy den tradisjonsrike julebasaren i Herøy kyrkje. Arrangementet samla mange til ei hyggeleg førjulsstund prega av fellesskap og gode opplevingar.

Mangeårig Madagaskar misjonær Johanne Leinebø heldt andakt på basaren i Herøy Ill.foto

Dei frammøtte kunne nyte eit rikt utval heimelaga mat, smakfulle smørbrød og lekre kaker frå det bugnande matbordet. Stemninga vart ytterlegare løfta av ei spontant samansett korgruppe med nokre unge jenter, som framførte vakker song til stor glede for alle som var til stades. Johanne Leinebø heldt ei inspirerande andakt.

Basaren baud òg på tradisjonelle aktivitetar som åresal, tombola og nummerbøker, som skapte engasjement og spenning blant både store og små. Takka vere innsatsen frå NMS-foreiningane og alle frivillige vart dagen ein suksess – og eit viktig bidrag til misjonsarbeidet.
Vi rettar ein stor takk til alle som deltok og støtta julebasaren. Saman skaper vi fellesskap og gir håp vidare!