Gi en gave
Meny
Foto: OLE-OTTAR KARLSEN HØGSTAVOLL, Vikebladet Vestposten Last ned

Heidrar dei frivillege på NMS Gjenbruk

NMS Gjenbruk i Ulsteinvik får frivilligprisen for 2022 i Ulstein. - Ein høgst fortent vinnar, seier Mari Ann Vattøy og Annika Brandal i styret til Ulstein frivilligsentral.
Tilbake
Del Facebook Twitter E-post

Mari Ann Vattøy og Annika Brandal i styret til Ulstein frivilligsentral troppa måndag opp i lokala til NMS Gjenbruk i Ulsteinvik sentrum.
Der overraska dei den frivillige gjengen med eit diplom, blomar og 5.000 kroner. NMS Gjenbruk er nemleg tildelt frivilligprisen for 2022 i Ulstein. Frivilligsentralen deler kvart år ut frivilligprisen på den internasjonale frivilligdagen 5. desember.

– Dette var kjekt – og det er veldig fint å bli sett pris på. Denne prisen er absolutt ei anerkjenning av det gode arbeidet som har blitt gjort her gjennom to tiår, seier Inga Marie Aurvåg og Anne-Marie Hopland.
I år er det faktisk 20 år sidan NMS Gjenbruk først opna dørene, i Kyrkjegata. I dag har butikken tilhald i bygget på Sanden der Cubus i si tid heldt til. Sidan den gongen er det tallause frivillige timar som har blitt lagt ned for å drive gjenbruksbutikken.

Takksame: Frivilligprisen i Ulstein for 2022 gjekk til dei frivillige i NMS Gjenbruk. Frå venstre ser ein Bjørg Hasund, Anne-Marie Hopland, Turid Husøy, Inga Marie Aurvåg,
Aase Ulla og Mari Ann Vattøy og Annika Brandal i styret til Ulstein frivilligsentral.

Sosial møteplass
NMS Gjenbruk er Noreg si største gjenbrukskjede med 52 butikkar, som blir drive av 2.500 frivillige medarbeidarar. I Ulsteinvik er det rundt 40 som utgjer arbeidsstokken, og som jobbar i turnus. I fjor omsette butikken for 1,1 millionar kroner, medan dei i år reknar med å passere 1,5 millionar.
– Vi tel ikkje timar, dette er berre kjekt å få vere med på. I tillegg til å vere ein butikk, er det ein fantastisk sosial møteplass for mange, seier Aase Ulla.

– Det er kjekt å føle at nokon har behov for ein, også etter ein er ferdig i yrkeslivet, seier Turid Husøy.
Husøy og Ulla fortel at dei har merka ein oppsving i salet fram mot jul, og at til dømes ukrainske flyktningar, men også folkehøgskuleelevar, nyttar seg av tilbodet.
– Det er mange av dei som går på Sunnmøre Folkehøgskule som ønsker å pynte til jul, og dei har funne mykje fin julepynt her hos oss, seier dei.

– Fortent
Mari Ann Vattøy og Annika Brandal i styret til Ulstein frivilligsentral fortel at dei fekk inn mange gode nominasjonar, men at NMS Gjenbruk merka seg ut.

– Det er veldig fint å gi prisen til nokon som har vist så godt igjen i Ulstein-samfunnet, gjennom heile tjue år. Det er kjekt å kunne bidra til eit ekstra kjekt 20-årsjubileum, seier dei.


Nyheter

Heidrar dei frivillege på NMS Gjenbruk

NMS Gjenbruk i Ulsteinvik får frivilligprisen for 2022 i Ulstein. - Ein høgst fortent vinnar, seier Mari Ann Vattøy og Annika Brandal i styret til Ulstein frivilligsentral.
Les mer

Inspirasjon, glede og fellesskap

Det ble en kveld fylt med inspirasjon glede og fellesskap da områdeutvalget for Nordre/Austre Sunnmøre inviterte til inspirasjonssamling i Spjelkavik kyrkje.
Les mer

Ordføreren innom NMS Lilleborg

Mot slutten av sin timelange visitt i NMS Lilleborg, måtte Oslos ordfører vrenge av seg jakken og prøve på seg den helt spesielle «blomsterbuketten» hun hadde fått i gave fra ungdommene i NMS. Og plutselig sto hun oppdressa i en kledelig jakke, der brystet var prydet av teksten «Sammen forandrer vi verden»
Les mer
Expand Lukk Søk Meny Mer Expand Arrow Facebook Twitter Instagram Youtube Vimeo Email Tro Kjærlighet Kjærlighet Håp Håp