Gi en gave
Meny

Misjonstur til Estland

Foto: Hege Steinsland Last ned
NMS og Plussreiser arrangerte misjonstur til Estland 13.-17. september med Hege Steinsland som reiseleiar. Vi var tilsaman 20 deltakarar, derav halvparten frå region Møre (Sunnmøre), m.a. fleire frå Brattvåg, som har misjonsavtale med Estland.
Tilbake
Del Facebook Twitter E-post

Magne Mølster

Magne Mølster, som er NMS-utsending og prest i Saku kyrkjelyd, møtte oss første dagen, og fortalde om Estland og Tallinn, og guida oss rundt i gamlebyen. Andre dagen hadde vi stort sett for oss sjølve for å sjå meir på byen, men søndag drog vi til Saku, eit par mil sør for Tallinn. Her gav Magne oss ei spanande innføring i historia til kyrkjelyden, som vart grunnlagd i 2013 med 12 medlemmer, og som no har 120 medlemmer.

Kyrkjelyden held til i eit gammalt bedehus, som dei leiger av «Brødremenigheten» (herrnhutarane). I sommar starta bygging av ny kyrkje, og den skal vere under tak til 1.desember. Det var gripande å høyre om korleis dei kristne vart undertrykte under Sovjet-tida, og korleis dei eldre heldt ut i bøn. Det var også inspirerande å oppleve engasjementet for kyrkjelyden og den nye kyrkja. I Saku er det m.a. ungdomsarbeid og eit gospelkor. Vi deltok i gudstenesta, og deretter var det kyrkjekaffi ute med pølser, frukt og plommekaker.

Jaana Maria Unga viser fram eit eksempel på Up-cycling. Foto: Hege Steinsland

Måndag besøkte vi Mustamäe, som er ein forstad til Tallinn med mange bustadblokker, men inga kyrkje – inntil no. For no er den nye kyrkja under tak, og kyrkjelyden har teke i bruk kontoret, etter at dei måtte flytte ut av sitt tidlegare lokale i kjellaren på bydelshuset. Elles er kyrkja ikkje innreidd. Den framstår som eit solid bygg med ei flott, men nøktern utforming. Vi var dei første gjestane etter flyttinga. Tiina Klement, som er prest i kyrkjelyden, fortalde levande om korleis denne kyrkjelyden har vakse og utvikla seg frå ei husgruppe i 2008 og fram til no. Nøkkelorda for verksemda er: Misjon, diakoni, barne- og ungdomsarbeid og bibelstudium.

Jaana Maria Unga fortalde om gjenbruksbutikken Magda Misjonipood («misjonsbutikk»), som ho er leiar for. Den ligg ikkje langt frå kyrkja. Vi vart med til butikken, og fekk sjå eksempel ikkje berre på re-cycling (gjenbruk), men også up-cycling (lage nye ting av brukte material).

Alt i alt vart dette ein inspirerande tur, der vi særleg la merke til korleis dei legg vekt på at folk får bruke sine talent – «Use your talents». Vi har noko å l ære av kyrkja i Estland når det gjeld å nå ut til dei som kjenner lite eller ingenting til kristen tru.


Nyheter

Omsetningsrekord da gjenbruksbutikken på Ski gjenåpnet

Da NMS Gjenbruk på Ski åpnet etter å ha holdt stengt i over to måneder, var det kø av kunder utenfor døra. Etter stengetid viste kasseoppgjøret at butikken hadde hatt sin beste dag noensinne.
Les mer

Gjenbruksbutikkar med Facebookhandel

Som vi veit, har NMS Gjenbruk sine butikkar vore stengde sidan koronautbrotet gjorde det naudsynt. Dette fører til store tap for NMS. For oss som sit i leiinga av butikkane er det ei påkjenning å sjå på dette. Etter som vekene går, tenkjer vi at kanskje går det an å få til noko. Slik at folk i alle fall skal hugsa at NMS Gjenbruk ikkje er avlyst, ikkje er nedlagt, men framleis finst!
Les mer

10 årsjubileum NMS Gjenbruk Myrvåg

Den 21 januar feiret vi med gode kaker, mange besøkende, og forlenget åpningstid. Og selvsagt stort jubileumsalg med halv pris på alle varene.
Les mer

NMS Gjenbruk

Kjøp gavekort nå – finn skattene dine når vi åpner!
Les mer
Expand Lukk Søk Meny Mer Expand Arrow Facebook Twitter Instagram Youtube Vimeo Email Tro Kjærlighet Kjærlighet Håp Håp