Opptrapping til sommarferien

Det er mange som roar ned til sommarferien. Liv Anne gjer det motsatte. Ho har ein tradisjon med å invitere medlemar av andre foreningar til samling før sommaren. I fleire år har vi vore på hytta som ligg i Ålvundfjord. I år vart vi i stadenpå ein nybygd uteterasse heime.

Det var mange det ikkje passa for denne junikvelden, så det det var færre enn det pleier.  Men veret passa godt til utesamling både for oss som kom frå Ålvundfjord og andre plassar i Sunndal.

Liv Anne serverte både frå Guds ord og nybakt frå kjøkkenet. Song, kollekt og misjonsinformasjon høyrer med når NMS-folket samlar seg. Denne kvelden fekk vi glimt frå Mali, Sør-Afrika og Madagaskar.

Liv Anne Innerdal serverer både frå Guds ord og nybakt frå kjøkkenet.