Meny

Marit Breen på folkemøte i Stangvik

Last ned
"Eg pleier ikkje å gå på misjonsmøte, men i ei slik ramme som dette tykte eg det var greit å kome."
Tilbake
Del Facebook Twitter E-post

I samband med at Marit Breen var med på regionstemne i Molde vart ho også med på eit folkemøte om Etiopia i Stangvik måndag 2.sept.  Alle kyrkjelydane i Surndalsområdet held no på med fornying av misjonssavtalane. Truleg endar det også med at alle fornyar sine avtalar med NMS og Etiopia.

Grunnen til å gjera det vart i alle fall ikkje svekka etter dette møte. Det var fleire som takka for god informasjon. Vi hadde også ein idé om å bringe samtalane «utanfor kyrkjedøra». Ein i salen sa det omtrent slik; «Eg pleier ikkje å gå på misjonsmøte, men i ei slik ramme som dette tykte eg det var greit å kome.»

Det var Stangvik Grendalag som hadde det praktiske ansvaret for arrangementet. Ein sal med plass til 50 personar i det litt spesielle «Bonhuset» var samlingsplassen. Vi kan kalle det «fullt hus» då møtet starta kl. 19.

Ekteparet Svein Sæter og Anita Land, som bur i Stangvik, har budd ei stund i Etiopia. Dei deltok med fotoutstilling og kåseriprega innlegg.

Det var salg av mat og god tid til spørsmål og samtale.  Situasjonen for kvinnene i Etiopia stod i fokus både med ord og bilete.

Korleis NMS jobbar i landsbyane for å få slutt på omskjering var eit sentralt tema. Marit Breen har jobba og budd i Etiopia i fleire år. No bur ho i Oslo og kallar seg pendlarmisjonær.

Expand Lukk Søk Meny Mer Expand Arrow Facebook Twitter Instagram Youtube Vimeo Email Tro Kjærlighet Kjærlighet Håp Håp