Krafttak for misjon
Plansjane har illustrasjonar som Nordfjord-kunstnaren Magne V Kristiansen har laga.
Balestrand sokneråd selde i alt 56 seriar av VIA LUCIS – lysvegen. Det var ein utruleg mykje større respons enn kva dei hadde budsjettert med. Dei håpte at dei skulle klare å gjennomføre prosjektet utan å gå i underskot. I staden vart det eit solid overskot på ca kr 29.000,-.
Dette er ei form for vandring som dei byrja med i Italia i 1988, og som sidan har spreidd seg utover i mange kyrkjesamfunn i verda. I Italia kallar dei vandringa for VIA LUCIS – lysvegen – fordi Jesus lyser opp med håp om evig liv i denne verda kor døden herjar. I Storbritannia kallar dei det for Stations of the Resurrection.
Vi trur at den store responsen heng saman med at kyrkjene var stengde i koronatida, og at denne vandringa var eit alternativ til vanlege gudstenester. Balestrand sokneråd vil difor gje dette overskotet som kjem frå korona til å bøte på dei som har store tap pga korona.