Grøn veke hos NMS Gjenbruk på Skei
I år er det ikkje berre grøn fredag, men GRØN VEKE. Som gjenbruksbutikk tenkjer vi nok litt dobbelt om å delta i "svart veke" Men vår veke er altså grøn.
22. november 2023 - 25. november 2023
Vi aukar ikkje forbruket ved å selge meir, vi aukar berre gjenbruken i samfunnet. Denne veka, frå onsdag 22. til laurdag 25. november, har vi 50 % på alle våre varer, unnateke julevarer og lys. I fjor hadde vi litt ulike prosentsatsar i løpet av veka, men dette var nok litt vanskeleg å følge med på. Så derfor gjer vi det enkelt i år.
Det meste av det vi har er ganske billig frå før. Men har nokon vore innom for å sjå på noko som dei tykte var for dyrt, så kom gjerne tilbake denne veka. Elles ei aktuell veke for å sjå på våre møblar.