Inspirasjonshelg på Stord
Velkommen til samling i Leirvik bedehus laurdag 20. september og til Nysæter kyrkje sundag 21.september.
20. september - 21. september
Etter sommar og ferie ligg eit nytt arbeidsår og ventar – med glede, utfordringar og forventingar.
Då er det kjekt å kunna invitera foreiningar og misjonsvener i Sunnhordland område av NMS til inspirasjonshelg på Stord.
Talar vert rådgjevar Sven Ebbell Skjold, som vil gje oss informasjon og bakgrunnsstoff om misjonsarbeidet i Estland som er tema for Sunnhordlandsaksjonen i 2026.
Vi samlast i Leirvik bedehus laurdag kl. 11.00 til bibeltime og misjonstime. Mellom øktene skal vi kosa oss med matpause og den gode drøsen.
Sundag samlast vi til gudsteneste i Nysæter kyrkje kl. 11.00.
Vi vonar at mange set av helga og kjem. Be gjerne nokon med deg! Vi treng innføring i misjonsarbeidet til kunnskap og inspirasjon. Vel møtt!