Ablaze North
![Bildet viser ettåring Anna sammen med noen av jentene våre som var med på Ablaze North](https://nms.no/england/wp-content/uploads/sites/11/2018/04/DSC02484-e1522921567407-300x212.jpg)
Ettåring Anna sammen med noen av jentene våre
Heihei!! Mitt namn er Anna, og eg er eittåring her i Carlisle. Eg har fått æra av å bruka eit år på å jobba med ungdom gjennom Carlisle Network Youth Church, og ein av dei tinga eg har vært med på å gjere er Ablaze north. Ablaze er eit opplegg der me ynskjer å samle ungdommar i Cumbria. Og Ablaze North, som Carlisle og Solway NYC arrangerte, er dermed for ungdommar nord i Cumbria.
![Bildet viser to av jentene fra Solway NYC på Ablaze.](https://nms.no/england/wp-content/uploads/sites/11/2018/04/DSC02511-e1522922291789-300x168.jpg)
To av Solway NYC- jentene
Ablaze north dagen gjekk føre seg slik: Me starta dagen utanfor Stanwix park, ein aktivtitespark i Silloth. Når så alle ungdommane som var meldt på var på plass gjekk byrja dei to første aktivitetane som var symjing og bowling. I løpet av denne tida var det og servert lunsj. Etter den første delen av dagen var omme, byrja den meir intense delen, nemleg ein sporlek. Alle ungdommane blei delt inn i grupper på 5-6 stk, med ein teamledar kvar. Fokuset for sporleken var å få så mykje poeng som mogeleg på den tida dei hadde, ved å utføre ulike poster spreidd rundt i Silloth. Dagen blei runda av med ein liten kreativ framføring frå kvar av laga. Og til slutt vart det vinnande laget annonsert, og dei fekk alle ein premie for innsatsen.
![Bildet viser Anna sammen med laget hennes, hvor hun måler spagettitårnet de har laget.](https://nms.no/england/wp-content/uploads/sites/11/2018/04/DSC02530-e1522921911861-297x300.jpg)
Anna sjekker hvor høyt spagettitårnet til laget hennes har blitt.
Den beste delen av Ablaze north for meg var to ting. Nr 1 var å sjå korleis arrangementet som eg hadde vore med på å laga gå frå å berre være ein ide rundt eit kafé-bord til å bi realisert. Nr 2 var når dagen var omme, og eg spurte nokre av ungdommane som venta på å bli plukka opp om dei hadde hatt det kjekk dag, og dei svara ja. Det varma hjarta mitt, og gjorde dagen min mykje betre.
Tekst: Anna Fauskanger Pedersen