Jubel og Jubileum
Reidar, Dorthe og Eldfrid
Styret og 2 jubiléumskomitéar la konkrete planar for ei todelt feiring. Vi fann det ynskjeleg og naturleg å invitere tidlegare og noverande medarbeidarar til jubileumsfest på sjølve dagen 25.september. Laurdag 28.sept. var det stor og tydeleg markering og feiring i sjølve butikken.
Om lag 80 deltok på jubileumsfesten i Spjelkavik Panorama. God mat høyrer til ved slike høve. Prolog av Sindre Skeie lest av Grete Lange sette ord på kva vi er med på. Songarar frå Sunnmøre Kristelege Mannskor bidrog på sitt vis. Erling Aaslid gav oss både historia og historier i løpet av desse 25 åra. Starten var spesiell da primus motor Reidar Hesseberg og Målfrid Søvik drog eins ærend til Danmark for å lære om gjenbruk. Butikken heldt til i Ålesund sentrum første 14 åra. Deretter vart det flytting til Blindheim. Siste 5 åra har butikken halde til i Breivika nord for Moa.
Det vanka godord og helsingar frå regionstyret v/ nyvald regionstyreleiar Olav Gading som også heldt andakt. NMS Gjenbruk sentralt var representert ved dagleg leiar Siri Lindtveit og regionansvarleg Irene Stavnem Sirnes.
Det vart også understreka ei eventyrleg utvikling i både varetilgang og inntekter, og medarbeidarar som bidrar til eit stort arbeid og godt fellesskap.
Feiringa i butikken var godt førebudd. Ekstra forventning var det til samarbeid og bidrag frå elevar ved Borgund VGS som på førehand fekk plukke seg ut klede til redesign og mannekengoppvisning. Dette vart teke på alvor og vart ein hending på raud løpar med tilhøyrande musikk og applaus. Veret var ikkje etter ynskje, men svært mange fann vegen til både feiring, kaffi, kake og handel.
Vi er mange som er takksame for dei som gjekk føre og for det vi er med på i NMS Gjenbruk.
